“Randus Andus: Definition – An older member of the elite that desires underage teenagers.”
―Steven Magee
By Alex P. Vidal
EVERY now and then naga kakibot lang kita nga may mga bantog kag dalagku nga tawo sa Amerika kag sa bog os nga kalibutan nga ang ila ngalan ara nalakip sa gina suka kag gina kahuya subong nga Epstein files.
Kag, by the way, congratulations gali sa United Kingdom ukon UK sa ila madasig kag abtik nga “hustisya” sa pag padakop kay anay Prince Andrews sa ila balay sa Sandringham Estate sadtong Pebrero 19 sa suspetsa nga naka himu siya sang misconduct in public office.
Amo na ini ang gina kono-kono nga iya “involvement” kay Jeffrey Epstein, ang napatay na nga convicted sexual predator kag trafficker sang mga kabataan nga babaye nga iya gin bugawan kag ginpa himuslan sa nanari sari nga kalalakihan nga gina patihan mga pedopilya or pedophiles, kag posibli isa na ini si Andrews.
Maayo pa ang UK kay action agad. Daku gid nga kalipay ang gin batyag sang mga biktima ni Jeffrey Epstein nga naka “survive” kag buhi pa subong sang ila nabatian ang balita sa pagka dakop kay anay prinsipe Andrews.
“It’s only the beginning” lang kuno ini sunu sa mga survivors.
-o0o-
Pero, shot-live man lang ang ila kalipay kay gin release man lang sang kapulisan ang torpe nga anay prinsipe sang UK.
Malas gid ining si Andrews kay sang nag lupok una ang Epstein files controversy sia gid ang naporohan sa publicity. Ma deny pa pero buking gid siya.
Ano abi kay madamu kuno sia nga beses nag pabalik balik sa isla ni Epstein sa ginabantog nga “Epstein Island” sa Little St. James sakay sa private plane ni Epstein.
Nagpa picture pa kuno ang tonto nga ini upod sa mga biktima. Abi niya wala katapusan ang iya langitnon nga kalipay nga punu sang kademonyuhan. Ti kundi sia gid ang nasampolan.
Dira sa isla nga ina nagkalatabu ang pambababoy kag pagpanglugos sang mga pedopilya nga mga manggaranon sa mga kabataan nga babaye nga gin pang intu kag tipon ni Epstein sadtong 1990s until 2002 para himuon nga pala utwasan sexual sang mga wala kalag nga pedopilya.
May mga impormasyon pa nga ang iban nga biktima gin torture pa samtang gina lugos sang mga bolay og nga pedopilya.
-o0o-
Basta rich or billionaire nga pedopilya may access kay Epstein kag hilway nila nga babuyon, hampangan, kag abosohon ang mga makalolooy nga mga bata nga babaye nga ginapatihan nag lab ot sa more than 1,000 victims.
Kag syempre may bayad ini. Amo ni siguro ang rason ngaa tuman ka manggaranon ining si Epstein kay aside from the payment nga nakuha nia sa mga manggaranon nga pedopilya, may mga secret camera pa nga na install kag ang mga videos gina dudahan nga gin himu nia armas para kilkilan or e extort pa gid ang mga “clients” nga nag kadto sa iya isla.
Now nga naga linupok na ini tanan, may ara pa three million pages sang Epstein files nga wala pa naabrihan ukon napakita sa publiko. Ang total tanan nga pages nga may mga videos, letters, emails, kag iban pa nga dokumento is six million.
So, three million pa lang ang na open kag may three million pa nga bilin.
Sin o pa gid ayhan ang ara sa listahan? Damu subong ang gina nerbyos kag gina hilanat especially ang mga bantog kag influential nga mga personalities sa business, media, entertainment, politics, (even church?) nga anytime from now maga tuhaw ang ila ngalan kon ma abrihan na ang nabilin nga three million pages.
-o0o-
Sa una pa lang nga three million pages madamu na ang nabululyaso kag na expose sa kahuy anan kag iskandalo kag nag resign na sa ila posisyon kag trabaho.
Naka batyag man sila gali huya sa ila sapat sapaton nga gin pang himu. Ang ila sadtong “himaya sa langit” nangin instant impiyerno.
We expect more prominent and influential personalities to fall in disgrace in the coming weeks or months. So dapat e demand gid nga e release ang remaining six million pages.
Kabay pa nga ang mga lolo kag tatay naton wala didto sa listahan. Kabay pa nga wala rich Filipino pedophiles nga nalakip sa listahan. Kon matabu nga ara ila ngalan, kahulya.
(The author, who is now based in New York City, used to be the editor-in-chief of two leading daily newspapers in Iloilo, Philippines.—Ed)
No comments:
Post a Comment